CIP | CÓDIGO FONTE AUDIOVISUAL CON ELIZABETH DUVAL "Cartas a las chicas del 2000"

O Código Fonte Audiovisual é un formato híbrido entre conferencia e proxección, no que se convida a un curator a que seleccione e comente fragmentos de obras audiovisuais embebibles que marcaran a súa cultura e a súa forma de entender o mundo. Nesta edición do festival a nosa convidada será Elizabeth Duval.

ELIZABETH DUVAL. licenciada en Filosofía pola universidade París 1 Panteón- Sorbona e Letras pola universidade Sorbona Nueva. Publicou libros como Madrid será la tumba (Lengua de Trapo, 2021), Después de lo trans (La Caja Books, 2021), Reina (Caballo de Troya, 2020) e Excepción (Letraversal, 2020). Escribe como columnista en Público e El País - Retina e colabora coa canle Playz de RTVE.

O evento tamén poderá seguirse en streaming nas canles de Youtube e Twitch do Carballo Interplay.

RESERVA PREVIA DE ENTRADAS GRATUÍTAS

Para acudir ás sesións será preciso realizar reserva previa de entrada, de xeito gratuíto, cun máximo de dúas por persoa. As entradas serán nominais, para garantir un rexistro de público que permita realizar a trazabilidade en caso de ser necesario. Os datos de contacto recollidos son para garantir a seguridade e serán utilizados única e exclusivamente con este obxectivo. Este arquivo custodiarase por un período non inferior a tres meses nin superior a nove meses.

As entradas NON validadas 15 minutos antes do inicio da sesión poderán reasignarse a outra persoa.