TRAZADOS TRÁNSITOS E CIUDADELAS I e II: Sabrina Ratté e Randa Maroufi
ENTRADAS
Entradas no disponibles. El evento ha finalizado.
INFORMACIÓN
A obra de Sabrina Ratté é continuamente dicotómica. Nela convive o real e o ficticio, propiciando unha fábula estética, histórica e, sen embargo, improbable, tan nova e espontánea como as ocurrencias do inconsciente, que tenden a empapalo todo de suxerencias e ambigüidades.
Sabrina Ratté
Undream
Vídeo HD | son | cor | 7’ | 2018 | estrea galega
Machine for Living - Montigny-le-Bretonneux
Vídeo HD | son | cor | 2018 | estrea española
Ser cidadá significa estar, coñecer e transformar o espazo urbano. Como vivimos a cidade? De que maneira os corpos afectan e vense afectados polos espazos físicos ou polas políticas que os modifican?
Intúese neste foco un compromiso co habitar, un sutil exame das formas en que os lugares nos exclúen ou nos acollen, divídennos, condicionando os nosos movementos e viceversa, de maneira que todo se retroalimenta nunha rede complexa na que a construción e a destrución forman parte dun corpo vivo en constante mutación.
Nós, as cidadás, aínda non somos iguais. A igualdade é unha quimera do privilexio. Non vivimos todas na mesma cidade, senón que unha urbe comprende miles de cidades distintas, unhas efémeras e inestables, outras rápidas, estresantes, cidades cheas de ollos, cheas de prexuizos e obrigas, ou de oportunidades e cambios, cidades sólidas e vetustas, de traballo duro, de ocio, de supervivencia, cidades de metal e de barro, que se transforman amodo ou que non queren cambiar. Ser cidadás require tempo. A cidade ensínanos a ser, condiciona os corpos e as rutinas. A cidade é un motor, un espazo que pode e debe transformarse. As persoas, as cidadás, vivimos aquí, aquí en calquera parte, e as nosas vidas son o corpo do urbano que a través da mirada crítica de Randa Maroufi ponse en perspectiva, actívase e cuestiónase.
Randa Maroufi
Bab Sebta
Vídeo HD | son | cor | 19’ | 2019
Stand-by office
Vídeo HD | son | cor | 13’20’’ | 2017 | estrea galega
The ParK
Vídeo HD | son | cor | 14’ | 2015 | estrea galega