Concerto de Catuxa Salom no Elas tamén Pintan 2021

today Concerto de Catuxa Salom no Elas tamén Pintan 2021

O proxecto artístico-educativo Elas tamén Pintan, impulsado por 7H Cooperativa Cultural, pecha a edición de 2021 o próximo sábado 16 de outubro con actividades artísticas e musicais nas rúas de Conxo. Dúo Amazonas, Tamara Baz, Festa, Medianeras Murales e Minia Regos serán as encargadas de realizar cinco intervencións murais simultáneas ao longo do día en diferentes espazos do barrio, onde tamén deixarán a súa pegada ás participantes no programa a través dun mural participativo.

Para poñer ritmo aos diferentes procesos creativos, a veciñanza poderá gozar de balde do concerto da artista vilagarciá Catuxa Salom a partir das 13:00h no exterior do Centro Sociocultural Aurelio Aguirre (12.30h apertura de portas) e da ruada de Somdolilá desde as 19:00h.