Tanxugueiras “Contrapunto”
Dentro da xira “Contrapunto” Tanxugueiras actuará o venres, 19 de novembro, ás 21.30 h no
Teatro Municipal de Tui. Neste concerto presentas os temas do seu último
traballo “Contapunto”.
Tanxugueiras son expoñentes dunha xeración aberta á evolución e
reformulación das músicas de creación colectiva galega. O directo de Tanxugueiras é pura enerxía e
potencia. Ligan en harmonía, naturalidade e mestría alalás, músicas e letras.
Con ou sen pandeiretas, o son e forza de Tanxugueiras expándense alén do
escenario para transformar o recital nunha festa. O seu repertorio móvese entre
pezas íntimas e de corte tradicional con himnos que abandeiran causas.
Tanxugueiras recibiu en 2019 o Premios
Martín Códax da Música ao Mellor grupo de Música tradicional e folk, e foron
galardoadas co Premios MIN de la Música Independiente 2018 ao Mellor álbum
galego.
Elenco: Aida Tarrío, Sabela Maneiro, Olaia Maneiro e Isaac Palación
Xénero: Música | Idioma: galego |Recomendada: Público adulto | Duración: 90
minutos
Entradas: 8€ e 6€
Entradas á venda até unha hora antes do comezo do espectáculo.
