DESBORDAMIENTOS - HELENA GIRON E SAMUEL DELGADO + BRUNO DELGADO RAMO

HELENA GIRÓN E SAMUEL DELGADO

EJERCICIOS DE ESCUCHA - 2

¿Por que os sons non poden ser visibles?

¿Non causaría a retroalimentación do oído ao ollo unha oscilación fatal?

Pauline Oliveiros

Helena Girón e Samuel Delgado, a quen lles dedicamos este ano o noso foco Sinais, tráennos unha performance ligada con fíos telúricos ao traballo fílmico que presentamos, no que as illas Canarias xogan un papel crucial. Girón e Delgado crean nestes Ejercicios de escucha un ambiente inmersivo que describen así:

“A través do oído e da visión, invocaremos un percorrido psicoxeofísico pola illa de Tenerife, traballando con sensores de luz, o campo electromagnético dos proxectores, e gravacións sonoras en fita magnética, nun ritual que nos guíe cara ás profundidades do soño ou do pesadelo”.

BRUNO DELGADO RAMO

SPIN THE WHEEL / I LIKE TO HEAR IT SPIN

JOGNNY GUITAR E LAS SYNERGYS

Nesta ocasión Las Synergys, Bruno Delgado Ramo, Paula Guerrero e Esperanza Collado ofrecen unha presentación expandida da película clásica Johnny Guitar (Nicholas Ray, 1954), que amosan unha versión reducida en formato super 8. Partindo dalgúns desenvolvementos do afín Gabinete kino~okno, esta actuacións de Las Synergys é un prototipo de investigación sobre a experiencia cinemática e musical en directo. Na película, Johnny é un virtuoso pistoleiro que deixa as armas para tocar a guitarra, coa que pretende continuar a defenderse. Nas súas actuacións, Las Synergys deféndense das conexións funcionais entremúsica, imaxe e corpo, intercambiando as súas lóxicas e as súas ferramentas.