maré - músicas e artes atlánticas 2020

neste atípico ano 2020, que se revela como un punto de inflexión cara un mundo diferente, maré emerxe en Compostela co espírito de sumar e compartir os valores e o talento dos territorios de fala galego-portuguesa, convertidos agora nun océano aínda máis amplo onde desembocan ríos e afluentes con novas correntes tan imprescindibles coma imparables.

maré pretende converter Compostela nun nodo principal de conexións entre Galicia, as culturas atlánticas e as ligadas aos itinerarios culturais europeos dos que formamos parte. maré reforza nesta edición a súa dimensión estratéxica, amplía e renova os seus obxectivos e subliña a importancia da lingua compartida cos países da comunidade lusófona, especialmente na vertente económica.