PLANETARIO INFANTIL I
ENTRADAS
Entradas no disponibles. El evento ha finalizado.
INFORMACIÓN
Dentro da sección Planetario INTERSECCIÓN conta este ano cunha serie de propostas audiovisuais que poden ser disfrutadas por tódolos públicos, en especial o infantil e o xuvenil, con pezas que presentan propostas dende o máis narrativo ao máis sensorial.
Sesión Nenos I
Asya Dyro
Beautiful Baby Tilapia
Fulldome | son | cor | 4’ 41’’ | 2019 | estrea española
Esta historia trata sobre un pequeno peixe que nada nun gran río na procura da súa familia. De xeito simple e metafórico, a historia denuncia problemas ambientais.
Estes debuxos animados foron creados en colaboración coa Universidade de San Agustín de Tanzania e a Escola de Educación Primaria Nyamalango en Mwanza, Tanzania. Mentres que Asya estivo traballando como mestra de arte durante un mes na escola Nyamalango, experimentou con diferentes materiais e temas, e mentres xogaban, falaba coas súas alumnas e alumnos sobre a natureza, sobre os animais e a familia. Todos os debuxos da película están feitos polxs nenxs e, para algunxs delxs, foi a súa primeira experiencia traballando con pinturas.
OHU Domes
How It Was Told To Me: Māori Legends From New Zealand (Como mo contaron a min: Lendas maoríes de Nova Zelandia)
Fulldome | son | cor | 17’ 28’’ | 2019 | estrea española
Como mo contaron a min: Lendas maoríes de Nova Zelandia é unha colección de tres breves animacións teatrais que poden proxectarse individualmente ou amosarse como unha colección completa. A Historia da Creación conta a historia de Ranginui o Pai Celestial e Papatūanuku a Nai Terra, e os seus moitos fillos que conspiran para separalos. En Rona e a Lúa aprendemos como Marama, a Lúa, chegou a ter o aspecto que ten hoxe nos nosos ceos austrais. O Gran Waka conta a creación da Vía Láctea con tódalas súas constelacións e como se utilizaron ao longo dos séculos para guiar aos mariñeiros polinesios que navegan polos mares do sur. Estas animacións teatrais premiadas foron creadas por OHU Domes e contan con gravacións de instrumentos tradicionais maoríes do Dr. Richard Nunns, narración de Te Kohe Tuhaka, Tānea Heke, Rangimoana Taylor e deseño de son de Dylan Storey.
Julius Horsthuis
Fractal Time
Fulldome | son | cor | 11’ | 2019 | estrea española
Fractal Time é unha película abstracta e inmersiva que xoga coa orixe e o futuro do noso universo. Horsthuis considera que o seu traballo é “unha viaxe de descubrimento” e a audiencia está convidada a somerxerse nestas novas realidades fractais. O resultado, acompañado por unha banda sonora orixinal, é tanto cinematográfico na súa perspectiva visual como operístico no seu enfoque: cidades que emerxen de naves espaciais, fondos oceánicos que se convirten en selvas, en calquera momento calquera cousa pode pasar e fainos sentir como se alcanzaran os límites da nosa imaxinación.