PLANETARIO INFANTIL II

Dentro da sección Planetario INTERSECCIÓN conta este ano cunha serie de propostas audiovisuais que poden ser disfrutadas por tódolos públicos, en especial o infantil e o xuvenil, con pezas que presentan propostas dende o máis narrativo ao máis sensorial.

• Sesión Niños II

Robert Sawallisch 

Robert Sawallisch traballa como produtor de espectáculos fulldome no Zeiss-Planetarium Jena, o planetario máis antigo do mundo. Dende 2013 ten traballado en 9 programas diferentes como produtor, director de arte, artista visual e escritor.

Der Mond

Fulldome | son | cor | 46’ | 2016 | estrea española

Catro valentes aventureiros da terra sen luz de lúa emprenden unha viaxe para alumear o ceo nocturno. Só con sorte, maxia e a axuda dun porquiño que fala, atopan a maneira de resistir tódolos perigos.

Un conto de fadas emocionante que explica dunha maneira amigable para os nenos como a lúa chegou ao ceo nocturno. Esta historia é unha interpretación libre do conto de fadas A Lúa dos irmáns Grimm.