CINEMA PERCORRIDOS III: COREOGRAFÍAS
As antigas rúas de pedra convídannos a un paseo en comunidade, onde 3 artistas visuais e 3 coreógrafas situados en distintos puntos da cidade, propoñen un estimulante roteiro nocturno, un percorrido expositivo entre o real e o imaxinado. Semi-ocultos na escuridade das súas localizacións, cos seus proxectores como lanternas máxicas, esperan ao público para mostrar as súas obras que se volven paradas inmersivas no camiño.
Paseo en grupo con guía.
3 saídas cos seguintes horarios: 22:00h / 22:30h / 23:00h
Punto de encontro e saída: Capela de San Telmo - Tui
Duración do paseo – 75 minutos, aprox.
Encontro cos artistas participantes.
Domingo 8 de maio – 17:00h
Sala de Prensa Teatro Municipal de Tui
Ao día seguinte deste paseo propoñémosche un encontro onde poderás coñecer en primeira persoa aos e as artistas participantes neste proxecto, entender o seu traballo e proceso creativo.
Entrada gratis ata completar aforo.
