<h3>CINEMA PERCORRIDOS IV: Inmersión sonora.  Cinema Percorridos é unha orixinal experiencia que cumpre o seu cuarto ano levando o cinema artístico máis aló da pantalla tradicional para expandilo sobre localizacións históricas de Tui. </h3> As antigas rúas de pedra convídannos a un paseo en comunidade no que propoñemos a un grupo de artistas, cineastas ou visualistas, o reto de resignificar tres espazos da cidade, lugares habitualmente non abertos ao público. Estes creadores empregan os seus proxectores como ferramentas prodixiosas e nas súas performances multipantalla -de cinema expandido ou live cinema- exploran novas formas de facer cinema. Contaremos tamén con varios artistas que, vindo da antropoloxía musical, da vangarda sonora ou da música electrónica, exploran o son como arte. Cinema Percorridos non só será unha experiencia visual senón tamén un verdadeiro acontecemento sonoro.  DOMINGO 30 DE ABRIL - TUiPaseo en grupo con guía.4 saídas cos seguintes horarios:  21:30h / 22:15h / 23:00h / 23:45h Punto de encontro e saída: 15 minutos antes en Glorieta de Vigo (xunto ao Monumento aos Cabalos)Duración do paseo – 75 minutos, aprox.  Encontro cos artistas participantes.Luns 1 de maio. 19:00h- Teatro Municipal de TuiAo día seguinte deste paseo propoñémosche un encontro onde poderás coñecer en primeira persoa aos e as artistas participantes neste proxecto, entender o seu traballo e proceso creativo.

PLAY-DOC FESTIVAL - CINEMA PERCORRIDOS IV: Inmersión sonora.

ENTRADAS

INFORMACIÓN

OTROS EVENTOS