PLAY-DOC FESTIVAL | COMING SOON – PRESENTACIÓN DE FILMES

today Sábado, 26 de septiembre de 2020

today Sábado, 26 de septiembre de 2020
access_time 21:00h
place Plaza del Placer - Rúa do Pracer, 36700 Tui, Pontevedra, España

today PLAY-DOC FESTIVAL | COMING SOON – PRESENTACIÓN DE FILMES

COMING SOON

Cineastas presentan en directo ao público un breve adianto dalgunhas dos filmes que poderemos ver durante o próximo ano 2021.

 ‘Coming  Soon’ é un espazo aberto no que poderemos compartir o proceso creativo dos nosos cineastas máis próximos. Traballos en pleno proceso de xestación dos que, da man dos seus autores, veremos as primeiras imaxes e contarannos as principais dificultades polas que atravesan, así como os seus retos.


Participarán neste encontro os seguintes proxectos e realizadores:


NACIÓN, de Margarita Ledo 


LUZ FANDIÑO, de Sonia Méndez, 


MONTAÑA ou MORTE, de Pela del Álamo


EL TIEMPO DEL FUEGO, de Alexandre Cancelo 


*En caso de choiva, as actividades, proxeccións e concertos que teñan lugar na Praza do Pracer recolocaranse no Teatro Municipal, con novos horarios. Informarase con antelación a través das redes do festival. 




Play-Doc Festival Internacional de Cinema de Tui

Play-Doc consolidouse en todo un referente dentro do panorama cinematográfico internacional, logrando manter un modelo de festival singular cunha programación rigorosa para un público masivo e extraordinariamente heteroxéneo. Ao longo destes dezaseis anos, Play-Doc converteuse nun lugar ideal para o encontro de novos creadores e polo que pasaron verdadeiras lendas do cinema, así como cineastas de culto, esquecidos, censurados ou descoñecidos. A organización presentará unha edición especial, adaptada ás circunstancias e aos protocolos de seguridade requiridos en cada momento, para iso, nesta ocasión, o Festival pretende achegarse máis ao público, saír á rúa, e facer que parte da súa programación tamén se poida gozar en diferentes localizacións da cidade fronteiriza. O Teatro Municipal seguirá sendo o seu punto de encontro principal pero súmanse lugares como a Praza do Pracer, convertida na súa segunda sede, e outros puntos da cidade onde o público poderá participar nun gran número de actividades como proxeccións, concertos, roteiros cinematográficos, obradoiros  encontros, instalacións,  performances audiovisuais, etc.
closeUtilizamos cookies propias y de terceros para ofrecerte un mejor servicio. Si continúas navegando, consideramos que aceptas su uso. Puedes obtener más información en nuestra política de cookies.