El tesoro de súa mocidade: as fotografías de Paolo di Paolo<o:p></o:p>Un filme de de Bruce Weber<o:p></o:p>Estrea española<o:p></o:p>O noso documental explora a vida do fotoxornalista autodidacta Paolo Di Paolo, facendo un percorrido polo seu ascenso desde a súa cidade natal, a agraria Larino, ata a súa breve pero intensa carreira profesional en Roma, que abrangueu un período de catorce anos durante os cales traballou para publicacións culturais como&nbsp;Il Mondo&nbsp;e&nbsp;Tempo illustrato&nbsp;(1954-1968). As súas íntimas fotografías —que mostran o mundo da arte, a cultura, a moda, o cinema e a vida da clase traballadora— pintan un cadro da Italia que rexorde da destrución e da pobreza da posguerra. Coa Leica na man, Di Paolo converteuse no fotógrafo máis leal e o maior confidente da elite cultural nos albores de&nbsp;la dolce vita.&nbsp;<o:p></o:p>A carreira de Di Paolo freouse en seco co peche de&nbsp;Il Mondo&nbsp;e o auxe do xornalismo de&nbsp;paparazzi, algo que el rexeitaba de plano. «Deixei de fotografar por amor á fotografía. Converteuse noutra cousa.» Casou coa súa moza secretaria e retirouse ao campo, onde dedicou o resto da súa vida a actividades intelectuais e paixóns persoais. Chegou a ser o historiador oficial dos&nbsp;Carabinieri&nbsp;(a policía militar), formou unha familia e deu en coleccionar e restaurar coches antigos; unha existencia tranquila de relativa escuridade. A decisión de Di Paolo de abandonar a vida fotográfica foi definitiva: nunca falou sequera cos seus propios fillos daqueles anos en que fotografou a Pier Paolo Pasolini (con quen colaborou estreitamente), Luchino Visconti, Anna Magnani, Elizabeth Taylor, Grace Kelly, Marcello Mastroianni, Rudolf Nureyev, Sofía Loren, Ezra Pound, Giorgio de Chirico, Tennessee Williams…, e a lista segue. &nbsp;<o:p></o:p>Hai vinte anos, o arquivo de Di Paolo foi redescuberto accidentalmente pola súa filla, Silvia, o que lles mudou a vida para sempre. Ela asumiu de xeito gradual a función de arquivista e representante súa e comezou a devolver a obra do seu pai ao lugar que lle corresponde na historia. En 2019, os seus esforzos culminaron na inauguración da primeira exposición sobre a carreira de Paolo Di Paolo no Museo MAXXI de Roma —titulada&nbsp;Mondo Perduto(«Mundo perdido»)— e a publicación da súa primeira monografía. &nbsp;<o:p></o:p>Pero o misterio da historia de Di Paolo segue aí: por que un home ía darlle as costas dunha maneira tan radical a aquela vida de&nbsp;glamour, para a desterrar por completo? Que ía motivar un artista a borrar calquera rastro do seu antigo eu? Con esa pregunta como núcleo, a nosa película explora a viaxe de autoinvención, perda e redención de Di Paolo. É un relato de&nbsp;glamour&nbsp;e intriga, cheo de estrelas, aspirantes ao estrelato e aristócratas. É un relato de familia, unha familia que se reconcilia cun patriarca e co seu tácito pasado. É unha historia sobre o poder curativo da arte: o restablecemento dun home e do seu legado e a súa conexión co mundo. E é un relato de inspiración, xa que o prestixioso fotógrafo e cineasta Bruce Weber tropeza cunha fotografía de Pasolini nunha pequena galería de roma e fica tan impresionado pola súa beleza que emprende a busca do escorregadizo fotógrafo que a tomou, poñendo así en marcha esta extraordinaria historia.&nbsp;<o:p></o:p>

PLAY-DOC FESTIVAL- EL TESORO DE SU JUVENTUD: LAS FOTOGRAFÍAS DE PAOLO DI PAOLO

TICKETS

INFORMATION

OTHER EVENTS