PLAY-DOC FESTIVAL - PROXECCIÓN TALLER: FILMAR O PROPIO

today Domingo, 26 de septiembre de 2021

today Domingo, 26 de septiembre de 2021
access_time Apertura: 17:00h Inicio: 17:30h
place Seminario Menor de Tui - P.º de Calvo Sotelo, 32, 36700 Tuy, Pontevedra, España

today PLAY-DOC FESTIVAL - PROXECCIÓN TALLER: FILMAR O PROPIO

FILMAR O PROPIO
Taller de cinema impartido por Eloy Domínguez  Serén
De que maneira afectaron estes xa dezasete meses de pandemia á maneira en que nos relacionamos coa nosa contorna? Resultaron as medidas sanitarias, as restricións de mobilidade e a distancia de seguridade unha deterioración do vínculo que mantemos cos nosos veciños e veciñas ou, pola contra, contribuíron dalgunha maneira para estreitalos? Mudou significativamente a maneira en que nos achegamos aos nosos concidadáns?
Nun momento de transformación como este, o cinema ten a extraordinaria capacidade de capturar a cotiandade dos nosos días, retratar as relacións entre a veciñanza e compartir o resultado destas experiencias, a través de imaxes e sons, coa nosa comunidade.
Este taller convida os veciños de Tui e arredores a reflexionar sobre a súa contorna, animando a cada participante a realizar unha breve peza audiovisual na que elabore un retrato ao mesmo tempo persoal e colectivo, do espazo no que habita un mesmo e a súa comunidade. A través destas obras preténdese compartir unha visión particular dos barrios, da vila, dun lugar emblemático, un punto de encontro, un negocio local representativo ou mesmo dos círculos afectivos e familiares máis próximos.
As películas resultantes deste taller presentaranse nesta sesión.



Play-Doc Festival Internacional de Cinema de Tui
Play-Doc consolidouse en todo un referente dentro do panorama cinematográfico internacional, logrando manter un modelo de festival singular cunha programación rigorosa para un público masivo e extraordinariamente heteroxéneo. Ao longo destes dezaseis anos, Play-Doc converteuse nun lugar ideal para o encontro de novos creadores e polo que pasaron verdadeiras lendas do cinema, así como cineastas de culto, esquecidos, censurados ou descoñecidos. A organización presentará unha edición especial, adaptada ás circunstancias e aos protocolos de seguridade requiridos en cada momento, para iso, nesta ocasión, o Festival pretende achegarse máis ao público, saír á rúa, e facer que parte da súa programación tamén se poida gozar en diferentes localizacións da cidade fronteiriza. O Teatro Municipal seguirá sendo o seu punto de encontro principal pero súmanse lugares como o Seminario, convertida na súa segunda sede, e outros puntos da cidade onde o público poderá participar nun gran número de actividades como proxeccións, concertos, roteiros cinematográficos, obradoiros,  encontros,  performances audiovisuais, etc. 

info Entradas no disponibles (el evento finalizó el 26/09/2021)
closeUtilizamos cookies propias y de terceros para ofrecerte un mejor servicio. Si continúas navegando, consideramos que aceptas su uso. Puedes obtener más información en nuestra política de cookies.