PLAY-DOC FESTIVAL | PROXECCIÓN E PERMOMANCE

TALLER: EN PRIMEIRA PERSOA, UN RETRATO COLECTIVO

Proxección de curtametraxes realizadas por veciños, reflexionando sobre como a pandemia transformou a nosa cotidianidade e a maneira en que nos relacionamos coa nosa contorna.

LIMITES MANIFESTA - PERFORMACE

O colectivo Limites presenta en directo unha performance que combina a vídeocreación experimental con coreografías musicais, danza contemporánea e artes plásticas. Unha posta en escena que reflexiona sobre o concepto do corpo e o seu novo significado tras a pandemia.

*En caso de choiva, as actividades, proxeccións e concertos que teñan lugar na Praza do Pracer recolocaranse no Teatro Municipal, con novos horarios. Informarase con antelación a través das redes do festival. 

Play-Doc Festival Internacional de Cinema de Tui

Play-Doc consolidouse en todo un referente dentro do panorama cinematográfico internacional, logrando manter un modelo de festival singular cunha programación rigorosa para un público masivo e extraordinariamente heteroxéneo. Ao longo destes dezaseis anos, Play-Doc converteuse nun lugar ideal para o encontro de novos creadores e polo que pasaron verdadeiras lendas do cinema, así como cineastas de culto, esquecidos, censurados ou descoñecidos. A organización presentará unha edición especial, adaptada ás circunstancias e aos protocolos de seguridade requiridos en cada momento, para iso, nesta ocasión, o Festival pretende achegarse máis ao público, saír á rúa, e facer que parte da súa programación tamén se poida gozar en diferentes localizacións da cidade fronteiriza. O Teatro Municipal seguirá sendo o seu punto de encontro principal pero súmanse lugares como a Praza do Pracer, convertida na súa segunda sede, e outros puntos da cidade onde o público poderá participar nun gran número de actividades como proxeccións, concertos, roteiros cinematográficos, obradoiros  encontros, instalacións,  performances audiovisuais, etc.