PLAY-DOC FESTIVAL | PROXECCIÓN - LAS POETAS VISITAN A JUANA BIGNOZZI

today Viernes, 25 de septiembre de 2020

today Viernes, 25 de septiembre de 2020
access_time 22:30h
place Teatro Muncipal de Tui - R. Colón, 2, 36700 Tui, Pontevedra, España

today PLAY-DOC FESTIVAL | PROXECCIÓN - LAS POETAS VISITAN A JUANA BIGNOZZI

LAS POETAS VISITAN A JUANA BIGNOZZI - COMPETICIÓN

LAURA CITARELLA, MERCEDES HALFON / 90 min / 2019 / ARXENTINA

Unha poeta morre. Outra, máis nova, recibe como herdanza o mandato de facer coñecer a súa obra. A esa tarefa súmase un equipo de mulleres de cinema. Ese estraño triángulo pon en marcha este filme que, curiosamente, non adopta a forma dunha investigación senón dun armazón aínda máis complexo e sutil. Previsiblemente, xorden preguntas, pero tamén revelacións, momentos case secretos de beleza e de lucidez, e unha persistente incerteza que acaba por volverse un obxectivo. A través desas estratexias laterais, Juana Bignozzi acaba por aparecer no filme en todo o seu esplendor, invencible e vital: o filme triunfa.


Play-Doc Festival Internacional de Cinema de Tui

Play-Doc consolidouse en todo un referente dentro do panorama cinematográfico internacional, logrando manter un modelo de festival singular cunha programación rigorosa para un público masivo e extraordinariamente heteroxéneo. Ao longo destes dezaseis anos, Play-Doc converteuse nun lugar ideal para o encontro de novos creadores e polo que pasaron verdadeiras lendas do cinema, así como cineastas de culto, esquecidos, censurados ou descoñecidos. A organización presentará unha edición especial, adaptada ás circunstancias e aos protocolos de seguridade requiridos en cada momento, para iso, nesta ocasión, o Festival pretende achegarse máis ao público, saír á rúa, e facer que parte da súa programación tamén se poida gozar en diferentes localizacións da cidade fronteiriza. O Teatro Municipal seguirá sendo o seu punto de encontro principal pero súmanse lugares como a Praza do Pracer, convertida na súa segunda sede, e outros puntos da cidade onde o público poderá participar nun gran número de actividades como proxeccións, concertos, roteiros cinematográficos, obradoiros  encontros, instalacións,  performances audiovisuais, etc.
closeUtilizamos cookies propias y de terceros para ofrecerte un mejor servicio. Si continúas navegando, consideramos que aceptas su uso. Puedes obtener más información en nuestra política de cookies.