﻿OBRADOIRO DE CINEMA. FILMAR AO PRÓXIMOAo longo deste mes de abril de 2023 veciños e vecinas da comarca,  realizaron unha pequena peza audiovisual de curta duración, na que retratan á súa veciñanza, tecendo xuntos un valioso entrelazado de pequenas historias persoais e colectivas Que hai de nós nos nosos veciños? Con que e con quen nos identificamos da nosa comunidade? A quen nos gustaría descubrir ou coñecer mellor? Na nosa familia, no noso edificio, na nosa rúa ou no noso barrio existen heroes e heroínas cotiáns que nos inspiran, emocionan, conmoven ou intrigan. Xente que amamos, xente da que aprendemos, xente que admiramos ou xente que nos atrae sen saber por que. De que maneira podemos retratar o que hai de único, de extraordinario nesa persoa ou colectivo?O noso obradoiro convida aos veciños e veciñas de Tui e arredores a compartir a súa experiencia social e comunitaria mediante o retrato da súa veciñanza. Un veciño ou veciña, traballador ou traballadora, un familiar, unha asociación, un negocio local… Que é o que nos gustaría compartir deles a través de imaxes e sons? Como filmar o que só nós podemos ver? Como narrar, describir, retratar… en definitiva, representar cinematograficamente (a)o próximo?Este obradoiro é impartido por Eloy Domínguez Serén, recoñecido e multipremiado cineasta galego que conta cunha notable traxectoria internacional, na que destacan títulos como Hamada, No cow on the ice, Os Corpos ou Rompente.As pezas resultantes deste taller presentaranse dentro do marco da celebración da XIX edición de Play-Doc Festival.

17:30h SALA2 - PROXECCIÓN: TALLER DE CINEMA. FILMAR AO PRÓXIMO

ENTRADAS

INFORMACIÓN

OTROS EVENTOS