Rock no Alboio 2022

Nesta segunda edición do Rock no Alboio seguimos coa clara intención de crear o "Right ´Em Boyo", ese bo rollo que che fai bailar coa copa de viño na man. A fórmula segue sendo a mesma: Bodegas da zona, bo viño, boas bandas, boa comida e ganas de pasalo ben. 

 

Cada ano queremos presentarvos unha adega nova, así que o Alboio trasládase a Bodegas La Val,  A Mugiña, Salvaterra de Miño. Contarase coa presencia dos responsables das adegas, que servirán e comentarán as peculiaridades  dos seus Albariños, Condados e Tintos, así como unha proposta gastronómica de proximidade e, por suposto, rock and roll.

Un pequeno festival para disfrutar dos viños do noso territorio, coñecer aos produtores e as suas propostas, bailar e cantar con tres bandas moi interesantes e sentir o terruño desta parte da D.O. Rias Baixas.