Sinsal Primavera é un evento promovido por Sinsalaudio (Festival Sinsal SON Estrella Galicia) vinculado á experimentación e á creación contemporánea, de difícil clasificación e, por tanto, pouco habituais na programación dirixida ao público xeral.  Sinsal Primavera 2023 terá lugar na fin de semana do venres 19 e sábado 20 de maio. O evento propón un programa conformado por cinco proxectos de vangarda, de e liderados por mulleres, chegadas de distintos puntos da Península Ibérica, Suíza e Turquía. Asi, Angélica Salvi, Ece Canli, Superorganismus -proxecto musical de Tramontana e Luz González-, Ivankovà e Ana Lúa Caiano conforman o cartel desta edición, que se celebrará os días 19 e 20 de maio no MARCO de Vigo. Como novidade, ademais, este ano a programación estenderase a unha das principais recintos de música ao vivo da cidade, a Sala Radar, que acollerá o concerto da portuguesa Ana Lúa Caiano na noite do sábado 20.  Sinsal Primavera 2023 conta coa colaboración principal do Concello de Vigo e co apoio do MARCO de Vigo, Instituto Camões e Sala Radar. Prezos: - Cada xornada no MARCO: 15 euros (de balde para menores de 10 anos). A entrada do MARCO permite acceder de balde ao concerto da Sala Radar. - Sala Radar: 8 euros (10 euros na billeteira). Venres 19 | MARCO de Vigo 20.15 horas: Apertura de portas 20.30 horas: Angélica Salvi 21.30 horas: Ece Canli Sábado 20 | MARCO de Vigo 20.15 horas: Apertura de portas 20.30 horas: Superorganismus 21.30 horas: Ivankovà Sábado 20 | Sala Radar 22.30 horas: Apertura de portas 23.00 horas: Ana Lúa Caiano

Sinsal Primavera

ENTRADAS

INFORMACIÓN

OTROS EVENTOS