TANXUGUEIRAS en Santiago. Presentación de Contrapunto.

Concerto presentación de 'Contrapunto', novo traballo de Tanxugueiras en Santiago. Domingo 2 de febreiro ás 19.30h (apertura de portas ás 19.00). Concerto de Xabi Aburruzaga ás 19.30. Tanxugueiras ás 20.00h.

TANXUGUEIRAS

Tanxugueiras incrementa as revolucións do folk galego. Co seu disco de debut, un repertorio escollido para amosar a esencia da tradición, Olaia Maneiro, Sabela Maneiro e Aida Tarrío chegaron a máis de 100 escenarios dentro e fóra das nosas fronteiras. Unha aposta sen corsés enchida de virtuosismo e contundencia que continúa no seu segundo traballo, Contrapunto. Un disco que incide na recuperación da tradición das pandeireteiras e a integran con harmonías de diferentes estilos e situar á música galega en novos escenarios. Tanxugueiras son renovación, reinterpretación e revolución para a tradición musical de Galicia.

Discografía
- Tanxugueiras (2018)
- Contrapunto (2019) 

Recoñecementos
Mellor álbum galego do 2018 - Premios MIN de la Música Independiente
Música tradicional e folk - Premios Martín Códax da Música
Mellores músicas de Galiza 2018 por Que non mo neguen - Certame aRi[t]mar Galiza e Portugal

CONTRAPUNTO. NOVO DISCO

A vida ten dúas caras. Ten momentos contrapostos, que saben ás veces doce e ás veces amargo. Unha dualidade inevitable que equilibran con tento e delicadeza, con forza e carácter, as Tanxugueiras. Sangue novo para revitalizar e actualizar a tradición da música oral do país, unha formación que no seu segundo disco consegue dar unha nova vida e un novo significado as coplas que se cantan dende antigo en Galicia.

Contrapunto é un disco de dez temas siameses, cinco caras e cinco cruces de diferentes momentos da vida narrados a través das letras que as pandereiteiras mantiveron vivas ata hoxe. Palabras con pasado para describir o presente a través de voces destas tres mozas e de sonoridades de diferentes estilos. Unha proposta que expande as posibilidades da música tradicional e a sitúa a base de forza e empoderamento nos mesmos escenarios que estilos como o pop ou o indie.

MENORES  DE IDADE

O acceso á Sala Capitol está prohibido para os menores de 18 anos salvo que estes estean debidamente autorizados polo seu titor legal e accedan ao interior do recinto acompañados dun adulto responsable.

Es menor de idade e queres acceder a un concerto na Sala Capitol?

Para poder acceder a un concerto sendo menor de idade é necesario contar coa autorización escrita do titor legal, ademais será necesario que o menor acceda ao recinto acompañado dun adulto responsable que o acompañará en todo momento (non necesariamente o seu titor legal, pode ser un familiar ou simplemente un amigo ou amiga).

Que hai que facer para autorizar a un menor de idade?

Para autorizar a un menor de idade é necesario que o seu pai, nai ou titor legal encha un formulario de autorización, devandito formulario está dispoñible no seguinte link:

Formulario de autorización

Que documentación necesítase?

• Formulario impreso debidamente cumprimentado e asinado
• Fotocopia impresa do D.N.I. do titor legal
• Fotocopia impresa do D.N.I. do adulto responsable (só no caso de que o titor legal non acompañe ao menor ao interior do recinto).
• D.N.I. orixinal do menor e o adulto que vaia a acceder ao recinto
• Dita documentación entregarase no control de acceso no momento de entrar á sala

Toda a información en www.tanxugueiras.com