Culturgal 2020 | Culturgal 2020 en pandemia
ENTRADAS
Entradas no disponibles. El evento ha finalizado.
INFORMACIÓN
Pandemia de Slavoj Zizek, Galaxia. Co tradutor Carlos Aymerich e o editor Francisco Castro. Sobre a obra, o papel da tradución e a universalidade do pensamento nunha situación coma a que estamos a vivir. O esloveno Zizek, un dos ensáistas e filósofos con máis protagonismo nesta primeira década de século, aborda os efectos da crise desatada pola pandemia de coronavirus, tanto nas mentes como no sistema socioeconómico, e reflexiona sobre a necesidade de repensar a sociedade contemporánea desafiando as verdades asumidas ate agora.
Setenta ideas para a (post)pandemia. Catro Ventos. Sete persoas, unha folla en branco e dez puntos sobre os que reflexionar. Así comezou este proxecto, froito das ideas sobre o que está a ser, o que puido ser e o que está por vir no contexto da pandemia do coronavirus e que achegamos da man de tres dos seus autores. Con Pilar García Negro (profesora honoraria da Universidade da Coruña especializada en sociolingüística), Fernando Ramallo (profesor de Lingüística na Universidade de Vigo) e Francisco Sampedro (doutor en Filosofía).
10 gráficos para contarmos a pandemia en Galicia. Praza Pública. Diálogo sobre a importancia da visualización de datos e do
xornalismo en clave galega para, a partir dunha aposta pola transparencia e os
datos abertos, aproveitar as potencialidades do soporte dixital para achegar
información comprensible sobre a COVID-19 á poboación de Galicia. Con David
Lombao, director de Praza.gal.
"Pangalaica, recortes poderosos" de Xurxo Souto. Galaxia. Conversa co editor
Francisco Castro sobre o libro, que nace cando a pandemia paraliza a actividade
cultural. Nel, Xurxo Souto constrúe unha completa reportaxe
na que comparte, coas lectoras e lectores, trinta anos de carreira que lle ofreceron a posibilidade de
coñecer persoas e historias marabillosas.