PLAY-DOC FESTIVAL - RETROSPECTIVA LUIGI DI GIANNI - 6 FILMES

Play-Doc presentará a primeira retrospectiva española dedicada ao mestre do cinema etnográfico italiano Luigi Di Gianni (1926-2019), un obxecto escuro, misterioso e completamente illado da historia do cinema universal.
6 FILMES:

MAGIA LUCANA 

Luigi Di Gianni / 1958 / 19min / Italia

Entre o terreo accidentado e un sol implacable, o campesiño lucano fálalle ás nubes, ao ceo, ao sol. A vida cotiá está impregnada de ritos antigos, fórmulas máxicas. A enfermidade é tamén un signo do sobrenatural. Cando nace un neno, sete fadas virán e tocarán a súa fronte baixo un raio de lúa.

NASCITA E MORTE NEL MERIDIONE (S. CATALDO)

Luigi Di Gianni / 1959 / 9min / Italia

“Isto é San Cataldo, un pobo no sur de Italia. Un país de campesiños. Aquí, máis que en ningún outro lugar, algo sucede se alguén nace ou alguén morre. E entre nacer e morrer, sobrevivir é difícil. Cando alguén nace, hai que preservalo mágicamente dos riscos da vida. Ninguén pode dicir se a súa vida será longa ou curta, pero todos saben que será dura e precaria. En San Cataldo vén ao mundo en silencio”

FRANA IN LUCANIA 

Luigi Di Gianni / 1960 / 9min / Italia

A vida dos campesiños lucanos enfróntase non só a unha pobreza atávica, senón tamén á ferocidade da natureza. Cando o mal tempo fai estragos, as chozas construídas con tanto esforzo corren o risco de ser destruídas por esvaramentos de terra. Só queda saír da casa, coa esperanza de atopala intacta á volta

GRAZIA E NUMERI (1962)

Luigi Di Gianni / 1962 / 15min / Italia

Antigas crenzas, maxia e supersticións, serpentean polos canellóns de Nápoles. O sacro e o profano, católico e pagán, todo é parte dunha mesma cultura, onde se atopan almas do purgatorio, caveiras en vitrinas, maleficios, soños premonitorios e métodos máis ou menos infalibles para gañar a lotería.

L’ANNUNZIATA

Luigi Di Gianni / 1962 / 11min / Italia

La Annunziata é un antigo orfanato napolitano. Aínda que a porta para deixar aos bebés xa non existe, ser orfo aínda se considera un pecado. Entre os muros de La Annunziata viven nenos e nenas que cultivan a esperanza, anciáns que pasaron alí toda a súa vida.

VAJONT (NATALE 1963)

Luigi Di Gianni / 1964 / 11min / Italia

Nadal de 1963, cemiterio de Fortogna, fracción de Longarone, onde están enterradas as vítimas do desastre de Vajont (9 de outubro de 1963). Os sobrevivientes pasaron o Nadal aquí, velando e rezando polos seus mortos. A árbore de Nadal foi levada ás tumbas. Das entrevistas xorde unha certeza: o que importa son as persoas, non o diñeiro.